Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Բանակցում ենք կառուցապատողի հետ, որպեսզի Ֆիրդուսի 80 հասցեում գտնվող շենքը չքանդվի»․ Վարագ Սիսեռյան

«Բանակցում ենք կառուցապատողի հետ, որպեսզի Ֆիրդուսի 80 հասցեում գտնվող շենքը չքանդվի»․ Վարագ Սիսեռյան
348
Շաբաթ, 13 հունիսի, 2020 թ., 16:25

«Չեմ տեսնում, որ Երևանի հուշարձան-շենքերը լինեն պատճաշ պաշտպանված․ լավ հասկանում եմ՝ որտեղ է թաղված շան գլուխը և ուզում եմ պարզել՝ սեփականատերերը, ովքեր ձեռք են բերել պատմական շինություններ, որևէ կերպ նոր պատասխանատվության ենթարկվելո՞ւ են ու սահմանափակվելո՞ւ է նրանց հնարավորությունն այդ շենքերի նկատմամբ»,- այսօրվա նիստի ժամանակ հարց բարձրացրեց Երևանի ավագանու «Իմ քայլը» խմբակցության անդամ Իզաբելլա Աբգարյանը։

Փոխվարչապետ Տիգրան Ավինյանի գրասենյակի ղեկավար Վարագ Սիսեռյանը տեղեկացրեց, որ Ֆիրդուսի տարածքում առկա 8 հուշարձան-շենք դուրս է բերվել կառուցապատման ծրագրից և առաջիկայում Կառավարության որոշմամբ կհանվի նաև գերակա շահի որոշման մեջ տեղ գտած գույքերի ցանկից։

«Այո, ծիծաղելի է՝ հուշարձան-շենքը գերակա հանրային շահ ճանաչելը»,- հավելեց Սիսեռյանը։

Հիշեցնենք՝ Երևանի ավագանու քաղաքաշինության և հողօգտագործման հարցերի ու մշակույթի, կրթության և սոցիալական հարցերի մշտական հանձնաժողովների համատեղ նիստում քննարկվում է Երևանի 33-րդ (Ֆիրդուսի) թաղամասի հարցը։

Հիշեցնենք նաև, որ օրեր առաջ քաղաքացիական ակտիվիստներին հաջողվել էր կասեցնել Ֆիրդուսի թաղամասում գտնվող 19-րդ դարավերջի կառույցի քանդման աշխատանքները։