Երեքշաբթի, 16 դեկտեմբերի, 2025 թ.
|
Ստեփանակերտում`   +1 °C

Եմենում գողացել են Ռուսաստանում տպագրված՝ 255 միլիոն դոլար արժողությամբ թղթադրամները

Եմենում գողացել են Ռուսաստանում տպագրված՝ 255 միլիոն դոլար արժողությամբ թղթադրամները
1736
Չորեքշաբթի, 17 հունիսի, 2020 թ., 00:45

Եմենում «Հարավային անցումային խորհուրդ» խմբավորման գրոհայինները հարձակվել են կառավարական զորքերի վրա և գողացել Ռուսաստանում տպագրված թղթադրամները: Ընդհանուր առմամբ, նրանց հաջողվել է գողանալ 64 միլիարդ ռիալ (255 միլիոն դոլար), հայտնում է Reuters-ը:
Եմենի Կենտրոնական բանկն արդեն դատապարտել է միջադեպը և նախազգուշացրել, որ այդպիսի մեծ քանակությամբ թղթադրամի գողությունը կարող է հանգեցնել «վտանգավոր հետևանքների»:
Իր հերթին, «Հարավային անցումային խորհրդում» թղթադրամների գողությունը բացատրել են հակակոռուպցիոն միջոցառումներով: Ըստ նրանց՝ Կատարի կողմից աջակցվող կառավարությունը չի կարողանա օգտագործել այդ գումարներն ահաբեկչությանը սատարելու համար: