«Այսօր երկու նախաձեռնությամբ ենք հանդես գալու». Իվետա Տոնոյան

««Բարգավաճ Հայաստան» խմբակցությունն այսօր երկու նախաձեռնությամբ է հանդես գալու. առաջինը վերաբերում է կորոնավիրուսի կանխարգելման, հետևանքների վերացման աշխատանքների կազմակերպման, հանգամանքներն ուսումնասիրող քննիչ հանձնաժողովի ստեղծմանը և երկրորդ՝ դիմելու ենք Սահմանադրական դատարան՝ վիճարկելու արտակարգ դրության պայմաններում հավաքների վերաբերյալ որոշման իրավաչափությունը»,- այսօր ԱԺ-ում, լրագրողների հետ զրույցում, ասաց ԲՀԿ-ական պատգամավոր Իվետա Տոնոյանը:

Նա հավելեց, որ նշված աշխատանքների կազմակերպման՝ քննիչ հանձնաժողովի ձևավորման և ՍԴ դիմելու աշխատանքներն արդեն իսկ ընթացքի մեջ են: Պատգամավորը կոչ արեց այս գործընթացում իրենց միանան նաև «Լուսավոր Հայաստան» խմբակցության գործընկերները, որպեսզի ունենան բավարար չափով ստորագրություններ: