«Հավաքների արգելքի վերացման համար «պայքարում» են փեսայական, քոչարյանական, ֆեյքերի գեներալի թևի ներկայացուցիչներ». Վահագն Ալեքսանյան

ՔՊ կուսակցության հասարակայնության հետ կապերի համակարգող Վահագն Ալեքսանյանը ֆեյսբուքյան իր էջում գրել է. «Իվետա Տոնոյանն ասել է, որ իրենք դիմելու են ՍԴ՝ արտակարգ դրության պայմաններում հավաքներ անցկացնելու արգելքի իրավաչափությունը բողոքարկելու։

Նորից հիշեցնեմ, որ ցայսօր ամենատարբեր շրջանակների կողմից շահարկվում է փաստը, որ երբ երկրում առկա էր 1 (ՄԵԿ) վարակակիր, «Այո» քարոզաչական կողմը հավաքներ էր անցկացնում (հավաքների ընթացքում վարակման դեպքեր չեն արձանագրվել)։

Հիշեցնեմ նաև, որ հավաքների արգելքի վերացման համար «պայքարում» են մի շարք ակտիվիստներ՝ Ռուբեն Մելիքյան, փեսայական, քոչարյանական, ֆեյքերի գեներալի թևի տարբեր ներկայացուցիչներ։

Հ․ Գ․ Այս և գուցե հետագա գրառումներում «Ֆեյքերի գեներալ» բառակապակցությունն օգտագործվելու է Արթուր Վանեցյանի մասին խոսելից։ Բառակապցությունը բխում է փաստից, որ ինտերնետային տիրույթում զգալի քանակի ֆեյքեր Արթուր Վանեցյանի մասին խոսելիս օգտագործում են «մեր/իմ գեներալ ջան/գեներալ» բառը/բառակապցությունը և բնավ չի նշանակում, որ Արթուր Վանեցյանն անձամբ է թուրը ձեռքին հրամանատարություն անում ֆեյքերի բանակում, թեև նման հրամանատար, այնուամենայնիվ, վստահ եմ՝ կա»։