«Առավոտ շուտ գնացել էին խուզարկության, տանտիկինը մակիյաժով դուռը բացել էր». վարչապետը՝ արտահոսքերի մասին

ՀՀ վարչապետ Նիկոլ Փաշինյանն այսօր ԱԺ-ում հայտնեց, որ իրավապահ համակարգում շատ խնդիրներ կան:

«Քննչական որոշ մարմիններում ես զգացել եմ, որ արհեստականորեն կոռուպցիոն գործերն առաջ չեն գնում: Ուզում եմ հիշեցնել, որ Գագիկ Ծառուկյանի հունիսի 5-ի հայտարարությունը հնչել է այն ժամանակ, երբ ԱԱԾ-ում արդեն մեծ փոփոխություններ էին տեղի ունեցել. փոխվել էր քննչական վարչության ղեկավարը և այսօրվա տնօրենը նշանակվել էր ԱԱԾ տնօրենի տեղակալ: Այս ընթացքում իրավապահ համակարգերում մենք ունեցել ենք մեծ պրոբլեմ: Առավոտյան՝ ժամը 7-ին, իրավապահները գնում էին խուզարկության, տեսնում էին՝ տանտիկինը մակիյաժով, երեկոյան զգեստով դուռը բացեց»,- ասաց վարչապետը՝ ակնարկելով, որ իրավապահ կառույցներից արտահոսքեր են լինում: