«ԱԱԾ-ն այս հայտարարությամբ վերահաստատեց քաղաքական հետապնդման փաստը»․ Արման Աբովյան

ԱԺ ԲՀԿ-ական պատգամավոր Արման Աբովյանի գրառումը․ «Չէէէ, իշխանությունները կամ լիովին որոշել են ԱԱԾ-ն վերածել զավեշտի և աբսուրդի համապետական կենտրոն, կամ արդեն այնքան են խճճվել, որ չեն հասկանում մի պարզ ճշմարտություն՝ ԱԱԾ-ն այս հայտարարությամբ ուղղակի վերահաստատեց քաղաքական հետապնդման փաստը... ոչ ավել, ոչ պակաս։
Չգիտեմ զարմանալ, թե ոչ իշխանություների այս քաղաքական ինքնախոստովանությանը։
Չնայած, եթե հաշվի առնենք, թե ինչ «էնտուզիազմով» են Աժ իշխանական պատգամավորները մասնակցում Սահմանդրական կարգի տապալման մեջ, ապա ԱԱԾ-ի վերը նշված «կոչը» շատ տրամաբանական է, եթե դիտարկենք հակապետական համատարած աբսուրդի ներքո։
Հ.Գ. Խորին շնորհակալություն վարչապետին, որ ինքը անձամբ վերահաստատեց, որ բոլոր գործընթացները, որոնք տեղի են ունենում վերջին շրջանում Գագիկ Ծառուկյանի շուրջ, ունեն միայն ու միայն քաղաքական ճնշման և հետապնդման նպատակ»։