Թուրքիայի օդուժն Իրաքի հյուսիսում ռմբակոծել է քրիստոնյաների բնակավայրերը

Թուրքիայի օդուժն Իրաքի հյուսիսում «Քուրդիստանի բանվորական կուսակցության» (PKK-ՔԲԿ) դեմ մեկնարկած «Արծվի մագիլ» ռազմագործողության շրջանակում հունիսի 21-ի երեկոյան ռմբակոծել է Հաֆթանին շրջանում գտնվող՝ քրիստոնյաներով բնակեցված Իսըվ Ավա գյուղը։

Այս մասին գրում է Ermenihaber-ը՝ հղում անելով քրդական «AnfTurkce» լրատվականին։

Թուրքիայի զինուժին պատկանող կործանիչների հարվածներից մեծ վնաս են կրել նշյալ շրջանի գյուղացիների այգիներն ու հողամասերը։

Աղբյուրի հաղորդմամբ՝ թուրքական օդուժը ռմբակոծել է նաև Իրաքի Զախո քաղաքի հարակից բնակավայրերը։