«Կերեք՝ կշտացեք». ակտիվիստը թղթադրամներ նետեց ԿԲ շենքի ուղղությամբ

Մի խումբ քաղաքացիներ բողոքի ակցիա են իրականացնում ԿԲ շենքի դիմաց։ Նրանք բողոքում են, որ արտակարգ դրության պայմաններում պետք է շարունակեն բանկերին վճարումներ կատարել։ Ակտիվիստ Մանուել Մանուկյանը կեղծ թղթադրամներ նետեց ԿԲ շենքի ուղղությամբ։ «Ես սկսել եմ իմ անհնազանդություններն ընդդեմ բանկային համակարգի, ես իմ բողոքի ձայնն եմ բարձրացնում»,- ավելի վաղ գրել էր ակտիվիստը՝ ֆեյսբուքյան իր էջում։