«Ադրբեջանը կեղծ օրակարգերով փորձում է ներքին լսարանի ականջներից լապշա կախել». Կարեն Հովհաննիսյան

Թուրքագետ, քրդագետ Կարեն Հովհաննիսյանը ֆեյսբուքյան իր էջում գրել է. «Ադրբեջանը կեղծ օրակարգերով փորձում է ներքին լսարանի ականջներից լապշա կախել։
Գարեգին Նժդեհի թեման կրկին օրակարգ բերել, առաջին պլան մղել և ողջ մեդիադաշտով միայն դրա մասին խոսել, խոսում է նրա մասին, որ Բաքվի բռնապետը կրկին ռազմահայրենասիրության ֆոնի վրա փորձում է մեղմել ներքին քաղաքական լարվածությունը։
Այս անգամ փորձում են ավելի զգայական կողմից մոտենալ թեմային, և ակտիվ քարոզում են, որ աշխատանքներ են տարվում, որպեսզի Ռուսաստանի հայերին արգելվի Վլադիմիրի կենտրոնական գերեզմանում այցեր կազմակերպել, որտեղ հուղարկավորված է եղել Գարեգին Նժդեհը։
Նույնիսկ պետական միջոցների հաշվին ֆինանսավորում են «Ստոպֆաշիզմ» քաղաքացիական նախաձեռնությունը, որպեսզի Նժդեհի թեման ակտուալ պահեն»: