Գագիկ Ծառուկյանի որդու մոտ կորոնավիրուս է հաստատվել
![]() 522 Երկուշաբթի, 29 հունիսի, 2020 թ., 20:25 ԲՀԿ առաջնորդ Գագիկ Ծառուկյանի որդին՝ Նվեր Ծառուկյանը, վարակվել է կորոնավիրուսով: Տեղեկությունը ՀԺ-ի հետ զրույցում հաստատել է Քննչական կոմիտեի տեղեկատվության և հասարակայնության հետ կապերի բաժնի պետի պաշտոնակատար Ռիմա Եգանյանը՝ հավելելով, որ Նվեր Ծառուկյանին հրավիրել էին հարցաքննության, սակայն նրա փաստաբանը գրությամբ տեղեկացրել է, որ առողջական խնդիրների պատճառով այս պահին չի կարող ներկայանալ, քանի որ նրա մոտ կորոնավիրուս է հաստատվել: Հարցին, թե ի՞նչ գործի շրջանակներում էր Ծառուկյանը հրավիրվել հարցաքննության, Եգանյանը պատասխանել է. ««Պարտեզ» ռեստորանի մոտ կատարված դեպքերի առնչությամբ հարուցված քրեական գործով, որի շրջանակներում քաղաքացի Նվեր Ծառուկյանն ունի վկայի դատավարական կարգավիճակ»: Հիշեցնենք՝ 2019 թվականի հունվարի 29-ին՝ ժամը 01:00-ի սահմաններում, Աբովյան քաղաքում գործող «Պարտեզ» ռեստորանի մոտ տեղի էր ունեցել վիճաբանություն, որը վերածվել էր զինված միջադեպի: Արձակված կրակոցների հետևանքով հրազենային վնասվածք էր ստացել 7, մահացել՝ 2 անձ. նրանցից մեկը՝ Աբովյան քաղաքի բնակիչ 30-ամյա Արտաշես Գևորգյանն էր, մյուսը՝ 21-ամյա Ջիվան Հարությունյան: Հունվար ամսին ՔԿ-ն հայտարարեց, որ 7 մեղադրյալի մասով նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել է դատարան: Մյուս մեղադրյալների, սպանությունների, ապօրինաբար երկու կամ ավելի անձանց դիտավորությամբ կյանքից զրկելու, շատերի կյանքի համար վտանգավոր եղանակով սպանության փորձ կատարելու և մի շարք այլ հանգամանքներով նախաքննությունը շարունակվում է: Առավել մանրամասն՝ սկզբնաղբյուրում: |
«Ամբողջ Երևանն է այս վիճակում»․ Արմենակ Դանիելյան (տեսանյութ)
5211:42«Երևանի բնակիչը վճարում է թանկացված գին՝ սեղմված երթևեկելու համար». Սոնա Աղեկյան (տեսանյութ)
6111:30«Եթե արվեստագետ եք, ո՞ւր է ձեր ապրումակցումը»․ Ռուբեն Մելիքյան
12510:24Գազայի վրա հարձակմանը դեմ քաղաքացիները վրաններ են տեղադրել Նեթանյահուի տան մոտ
17810:09Հերթական ճոխ հարսանիքն է եղել. «Հրապարակ»
19309:06Սպասվում են կարճատև անձրև և ամպրոպ (լուսանկար)
14307:06«Լռող հասարակությունը կձուլվի, կգնա գրողի ծոցը թուրք հասարակության մեջ». Գայանե Ասլամազյան
20104:06«Ծառեր են տապալվել, սակայն թափուկը բնակիչներին չեն տալիս». Ոսկան Սարգսյան
23203:12