Բացառիկ քրաշ թեստ․ ամենաթանկ ավտոմեքենաները վայրկյանների ընթացքում վերածվել են մետաղի ջարդոնի

Ասիացի ավտոսիրողները, տարբեր դասի 10 ամենաթանկ ավտոմեքենաների քրաշ թեստեր են անցկացրել։ Փորձի հիմնական նպատակն է ցույց տալ, թե արդյոք պրեմիում դասի հայտնի մեքենաները կարող են վարորդին պաշտպանել ճանապարհատրանսպորտային պատահարի ժամանակ:
Մեքենաներն ստուգելու համար նկարահանվել են արագընթաց մեքենաների հարվածի կադրերը։
Փորձարկվել են այնպիսի հանրաճանաչ մեքենաներ, ինչպիսիք են՝ Dodge Challenger-ը, Chevrolet Camaro-ն և Ford Mustang-ը, ինչպես նաև Tesla Model S-ն ու Mercedes-Benz SLS AMG-ն:
Շնորհիվ դանդաղեցված կադրերի երևում է, թե ինչպես է աշխատում մեքենաների պաշտպանության համակարգը։ Սպորտային մոդելներից ոչ մեկը 5 հնարավորից 3-ից ցածր գնահատական չի ստացել։