«Իշխանությունը ՍԴ դատավորներ կառաջադրի իրեն հարմար թեկնածուների». Արմեն Եղիազարյան

«Արմնյուզ» հեռուստաընկերության եթերում ՀՀ ԱԺ «Լուսավոր Հայաստան» խմբակցության անդամ Արմեն Եղիազարյանը հայտնել է, որ «Լուսավոր Հայաստանն» իր քաղաքական պատասխանատվությունը չի տեսնում առաջացած սահմանադրական ճգնաժամի մեջ:

Նրա խոսքով՝ ԼՀԿ-ն իր դիմումը ՍԴ կուղարկի Ռոբերտ Քոչարյանի գործի քննության ավարտից հետո, երբ էլ այն ավարտվի, քանի որ չի ուզում սպասարկել ո՛չ նախկին, ո՛չ գործող իշխանությունների և կոնկրետ անձերի շահերը:

«ՍԴ որոշ անդամներ կփոխարինվեն, և կստեղծվի բալանս, փոխզսպում՝ երկու թևերն էլ ներկայացված կլինեն՝ և՛ նախկին, և՛ ներկա իշխանության ներկայացուցիչները: Նոր դատավորները պետք է լինեն անկախ, բայց աչքի առաջ ունենալով ՍԴ ինքնահռչակ նախագահ Վահե Գրիգորյանին՝ կարելի է պնդել, որ իշխանությունը կառաջադրի իրեն հարմար թեկնածուների: ՍԴ կազմը փոխելու քայլը քաղաքական է. ՍԴ դատավորի մուտքը դատարան արգելելն իրավաչափ չէ, այդ հրահանգը եղել է իշխանությունից»,- ասել է պատգամավորը:

Մանրամասները՝ տեսանյութում: