Ուրբաթ, 29 մարտի, 2024 թ.
|
Ստեփանակերտում`   +6 °C

«Եթե Ֆիրդուսի շինությունները դուրսպրծուկ օլիգարխների տների հետ են համեմատում, այո՛, դրանք սարայներ են». Նինա Կարապետյանց

«Եթե Ֆիրդուսի շինությունները դուրսպրծուկ օլիգարխների տների հետ են համեմատում, այո՛, դրանք սարայներ են». Նինա Կարապետյանց
636
Ուրբաթ, 10 հուլիսի, 2020 թ., 12:30

«Ինձ, մեղմ ասած, զայրացրեց մեր իշխանությունների արձագանքը, որտեղ ես լսեցի հետևյալ հայտարարությունը, թե՝ ո՞ւր ա ընդեղ մշակութային արժեք, ընդեղ սարայներ են: Ես այդ արտահայտությունը լսել եմ դեռևս Հյուսիսային պողոտայից սկսած, երբ սկսվել էր շահարկվել գերակա շահը, և ամեն ինչ ներկայացնում էին որպես սարայներ:

Ես հասկացա, որ մենք գնահատման լրջագույն խնդիր ունենք»,- Ֆիրդուս թաղամասի պաշտպանության նախաձեռնող խմբի ասուլիսի ժամանակ ասաց «Հելսինկյան ասոցիացիա» իրավապաշտպան ՀԿ նախագահ Նինա Կարապետյանցը:

«Ուզում եմ հասկանալ, թե ինչու ներկայիս իշխանությունը չի արձագանքում և ինչի հետ համեմատելով են համարում, որ Երևանի մոտավորապես 100-150 տարվա պատմություն ունեցող շինությունները սարայներ են: Եթե դուրսպրծուկ օլիգարխների տների հետ են համեմատում, այո՛, դրանք սարայներ են, որովհետև այս տները չունեն ոսկեզօծ զուգարաններ, դռների բռնակներ»,- նկատեց Նինա Կարապետյանցը:

Սա մեր մշակույթն է, մեր պատմության մի մասն է, և մենք չենք կարող թույլ տալ, որ Երևանը դառնա քառակուսի, ստնադարտ էնպիսի մի քաղաք, որը ոչ մի բանով չի տարբերվում եվրոպական ցանկացած քաղաքից: Մեզ հիմա փորձում են բացատրել, թե ինչ սիրուն է Հյուսիսային պողոտան. գեղեցիկ է, բայց դա Երևանը չի ներկայացնում»,- իր ելույթում համոզմունք հայտնեց Ֆիրդուս թաղամասի պաշտպանության նախաձեռնող խմբի անդամը:

Հիշեցնենք՝ Ֆիրդուս (33-րդ) թաղամասի պաշտպանության նախաձեռնող խումբը Ֆիրդուս 1 հասցեում գտնվող տան ետնաբակում մամուլի ասուլիս է հրավիրել։