Ռուսաստանում մեկ օրում գրանցվել է վարակի 6635 նոր դեպք

Ռուսաստանի 85 շրջաններում կորոնավիրուսով վարակման նոր՝ 6 635 դեպք է հաստատվել, մահացել է 174 մարդ (նախօրեին՝ 176): Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 713 936, ապաքինվել է 489 068 բուժառու (նախօրեին՝ 7 752)։ Հիվանդության բռնկումից ի վեր մահացել է 11 017 հիվանդ։ Նոր դեպքերի մեծ մասը հաստատվել է Մոսկվայում՝ 568 դեպք, մահացել է 28 մարդ, ապաքինվել՝ 1 007 բուժառու։ Նոր դեպքեր են արձանագրվել Սանկտ Պետերբուրգում՝ 300, Խանտի-Մանսիական ինքնավար տարածքում՝ 263, Իրկուտսկի շրջանում՝ 211, Մերձմոսկվայում՝ 199, Նիժնի Նովգորոդի շրջանում՝ 219։