Բելառուսում ձերբակալվել է 200 ցուցարար

1119

Չորեքշաբթի, 15 հուլիսի, 2020 թ., 12:40

Բելառուսում ոստիկանության աշխատակիցները հանրապետության մի քանի քաղաքներում չարտոնված ցույցերի ժամանակ ձերբակալել են տասնյակ ցուցարարների: Ցույցերը սկսվել են, երբ Կենտրոնական ընտրական հանձնաժողովը հրաժարվել է գրանցել նախագահի ընդդիմադիր թեկնածուներին, գրում է TUT.by-ն:

Ըստ պորտալի՝ անզեն ցուցարարներին ոստիկանության աշխատակիցները սկսել են ծեծել մահակներով։
Իրավապահների հետ հիմնական բախումը տեղի է ունեցել Հաղթանակի հրապարակի և Նեմիգա մետրոյի կայարանի տարածքում:
Ըստ մարդու իրավունքների «Վեսնա» կենտրոնի հրապարակած տվյալների՝ ձերբակալվել է 200 ցուցարար, այդ թվում ԶԼՄ-ների ներկայացուցիչներ: