Հինգշաբթի, 13 օգոստոսի, 2020 թ.
|
Ստեփանակերտում`   +16 °C

«Մինչև տուրիստական սեզոնի ավարտը ավիափոխադրումները սովորական ռեժիմով չեն վերականգնվի»․ վարչապետ

«Մինչև տուրիստական սեզոնի ավարտը ավիափոխադրումները սովորական ռեժիմով չեն վերականգնվի»․ վարչապետ
68
Հինգշաբթի, 30 հուլիսի, 2020 թ., 11:15

Կառավարության նիստի սկզբում վարչապետ Փաշինյանը հայտարարեց, որ վերջին տասնհինգ օրում համաճարակային իրավիճակը ՀՀ-ում էականորեն բարելավել է։ «Շանս ունենք ջարդելու համավարակի ողնաշարն ու սա մեզնից յուրաքանչյուրի վրա դնում է հատուկ պատասխանատվություն»,- ասաց կառավարության ղեկավարը։ Նիկոլ Փաշինյանն արձանագրեց՝ իրավիճակի բարելավումը հակահամաճարակային կանոնների պահպանման ու քաղաքացիների գիտակցության բարձրացման արդյունք է․ «Դիմակների պարտադիր կրումն է, որ մեր ջանքերը դարձնում է առավել արդյունավետ»։

Նա տեղեկացրեց, որ մինչև տուրիստական սեզոնի ավարտը ավիափոխադրումները սովորական ռեժիմով չեն վերականգնվի․ «Մեր այն հայրենակիցները, ովքեր մտադիր են ամառային արձակուրդն անցկացնել հանգստյան վայրերում, պետք է օգտվեն ներքին տուրիզմի հնարավորություններից։ Մեր տեսչական մարմինները պետք է հատուկ ուշադրություն դարձնեն հանգստի գոտիներում հակահամաճարակային կանոնների պահպանմանը»։