Քոչարյանի և մյուսների գործով դատական նիստը՝ ուղիղ միացմամբ

289

Երեքշաբթի, 04 օգոստոսի, 2020 թ., 13:20

Այսօր՝ օգոստոսի 4-ին, Երևանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, ընթանում է ՀՀ երկրորդ նախագահ, «Մարտի 1»-ի գործով ամբաստանյալ Ռոբերտ Քոչարյանի և մյուսների գործով դատական նիստը։

Հիշեցնենք, որ նախորդ նիստին ՀՀ նախկին փոխվարչապետ Արմեն Գևորգյանի պաշտպանը միջնորդեց նրա գույքի վրա դրված կալանքը հանել։ Նույնատիպ միջնորդությամբ հանդես եկավ նաև Ռոբերտ Քոչարյանի պաշտպանական կողմը։
Քոչարյանի և Գևորգյանի պաշտպանների ներկայացրած միջնորդության լուծումը հետաձգվեց, քանի որ դատարանը անհրաժեշտ համարեց ստանալ կալանադրված գույքի կազմի և արժեքների վերաբերյալ ամբողջական տեղեկատվություն, որից հետո կորոշվի՝ հնարավո՞ր է լուծել պաշտպանների միջնորդությունը, թե՞ ոչ։