Հինգշաբթի, 01 հոկտեմբերի, 2020 թ.
|
Ստեփանակերտում`   +9 °C

«3 ինքնաթիռ օգնություն ենք տանելու Լիբանանի ժողովրդին». Զարեհ Սինանյան

«3 ինքնաթիռ օգնություն ենք տանելու Լիբանանի ժողովրդին». Զարեհ Սինանյան
70
Ուրբաթ, 07 օգոստոսի, 2020 թ., 18:50

Սփյուռքի գործերի գլխավոր հանձնակատար Զարեհ Սինանյանը պատրաստվում է մեկնել Լիբանան՝ Բեյրութում տեղի ունեցած աղետալի պայթյունից հետո տիրող իրավիճակին ծանոթանալու համար:

«3 ինքնաթիռ օգնություն ենք տանելու Լիբանանի ժողովրդին: Տեղում պետք է հանդիպենք նաև մեր համայնքային կառույցների և համայնքի հետ, որպեսզի ավելի հստակ պատկերացում ձեռք բերենք, թե ինչ է այնտեղ տեղի ունենում, ինչով կարող է Հայաստանն օգտակար լինել և այլն»,- Կառավարության նախաձեռնած հարցազրույցի ընթացքում ասել է Զարեհ Սինանյանը:

Նա նշել է, որ Հայաստանից Լիբանան կտեղափոխվեն առաջին բուժօգնության պարագաներ, դեղորայք, գույք, պարենային մթերքներ:

Նա հայտնեց, որ մինչ Բեյրութի նավահանգստում տեղի ունեցած պայթյունը Լիբանանից Հայաստան 4 չվերթ է եղել, վերջինը՝ պայթյունից 1 ժամ առաջ. «Երբ զգանք, որ չվերթներն ավելացնելու կարիք կա, դրանց թիվը կմեծացնենք»,- ասել է Սինանյանը:

Նշենք նաև, որ օգոստոսի 8-ին նախատեսվող չվերթով «Տավուշ տեքստիլ» ընկերությունը 20400 բժշկական դիմակ կուղարկի Լիբանան:

Մանրամասները՝ տեսանյութում: