«Սա օրենքի պահանջ է, որը համատարած խախտվում է». Սարգիս Ալեքսանյան

420

Շաբաթ, 22 օգոստոսի, 2020 թ., 19:25

ԱԺ «Լուսավոր Հայաստան» խմբակցության պատգամավոր Սարգիս Ալեքսանյանը ֆեյսբուքյան իր էջում գրել է. «Երբ օրենքի կիրառումն ապահովող թիվ մեկ կառույցի ղեկավարը թքած ունի օրենքի վրա, ուրիշներից ինչպե՞ս պահանջես օրենք հարգել:

Գրեթե 2 ամիս առաջ պաշտոնական գրութամբ դիմեցի նորանշանակ ոստիկանապետ Վահե Ղազարյանին, որպեսզի Երևան քաղաքում հասարակական տրանսպորտի համար նախատեսված կանգառներում այլ մեքենաների կայանումը թույլ չտրվի:

Սա օրենքի պահանջ է, որը համատարած խախտվում է:

Մինչ այսօր ես սպասում եմ, որ պարոն ոստիկանապետը համապատասխան միջոցներ կձեռնարկի օրենքի կիրառումը ապահովելու ուղղությամբ, բայց նա նույնիսկ զլացել է պաշտոնական գրությանս ժամանակին պատասխանել, որը օրենքի հանդեպ անտարբերության ևս մեկ դրսևորում է:

Այդպես չե'ն աշխատում, հարգելիս: Միայն սարերում անասուն պահող մեր գյուղացիներին դիմակ չկրելու կամ սխալ կրելու համար տուգանելով արդյունքների չենք հասնի»: