«Վարչապետն ասում էր՝ ոչ մի մուկ, ոչ մի ձուկ չի պլստա». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը «Ֆակտոր»-ի եթերում համոզմունք է հայտնել, որ ներկայիս իշխանության վարկանիշն ընկել է՝ խոստումները չկատարելու պատճառով:

«Ամենազգայուն հարցը, որ կար, դա արդարության վերահաստատումն էր. թալանը հետ բերել, պատժել նախկիններին... Վարչապետի խոսքերով ասած՝ ոչ մի մուկ, ոչ մի ձուկ չի պլստա: Մենք տեսնում ենք, որ բնավ այդպես չէ»,- ասել է Պապյանը:

«Մենք անգամ մի հոգի չունենք, որի վերաբերյալ դատական վճիռ կայացած լինի: Շատերը կա՛մ Հայաստանում են՝ ազատության մեջ, կա՛մ երկրում էլ չեն: Սա ստեղծել է բավականին վտանգավոր վիճակ, երբ այս մարդիկ, իրենց հսկայական մեդիա, նյութական ռեսուրսներն օգտագործելով, դիմադրական շարժում են ծավալում բոլոր փոփոխություններն, և դրանով հանդերձ՝ բոլորիս վիճակը վատանում է ու վտանգվում»,- նկատել է նա՝ նշելով, որ նրանք, ովքեր հեղափոխությանը կողմ են եղել, այդ քաղաքականության հետևանքով ռևանշիստների կողմից վտանգի տակ են հայտնվում: