«Գնացեք Բաբայանի մոտ ու համոզվեք, թե իրականում ով է փորձել ծախել Արցախը». Լյովա Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Խորամանկորեն շրջանցում են հարցին ուղիղ պատասխանելուց:

Հանրապետական քարոզչամեքենան հարձակում է սկսել Սամվել Բաբայանի դեմ այն աստիճան, որ նրան մեղադրում է ադրբեջանամետության մեջ: Պատկերացնո՞ւմ եք, Սամվել Բաբայանին:

Մարդը Սերժ Սարգսյանին մեղադրում է բանակցային գործընթացում դավաճանության մեջ՝ յոթ շրջան հանձնելու պահով, իսկ սրանք զգացմունքային լոլոներ են դուրս տալիս:
Մարդը հրավիրում է ցույց տալու փաստաթղթեր, իր ասածը ապացուցելու նպատակով, իսկ սրանք Ֆեյսբուքում մեղադրանքներ են հնչեցնում Ապրիլյանի

գնահատականների համար, ճշմարտությունն ասելու համար:
Շահնազարյան Դավիթ, Մանուկյան Վազգեն, Աշոտյան, Շարմազանով ու մյուսներ, շուտասելուկի պես ամեն օր, ամեն ժամ հայտարարում եք, որ Նիկոլը ծախում է Արցախը, վեր կացեք գնացեք Բաբայանի մոտ ու համոզվեք, թե իրականում ով է փորձել ծախել Արցախը:
Հը, ի՞նչ կասես, սիրելի նախկին պատգամավորուհի, որ խորհուրդ ես տալիս ժողովրդին վերականգնել հիշողությունը»: