«Փլատակների տակ 56-ամյա տղամարդ կա». նախարար

Ինչպես հայտնել էինք, Երևանի Ռայնիսի փողոցի թիվ 3 հասցեում գազի արտահոսքից տեղի է ունեցել պայթյուն, շենքը մասնակի փլուզվել է: Լրագրողների հետ զրույցում ԱԻ նախարար ֆելիքս Ցոլակյանն ասաց, որ պայթյունը երկրորդ հարկում է եղել: Նախնական տվյալներով՝ փլատակների տակ կա 56 տարեկան տղամարդ. «Աստված տա՝ կարողանանք փրկել նրան»:

«Պանելային շենքերը սեյսմակայուն են, սեյսմիկ ծառայության աշխատակիցներն ասացին՝ շենքի մյուս հատվածի փլուզման վտանգ չկա»,- հայտնեց Ցոլակյանը՝ հավելելով, որ այս պահին շենքն ամբողջությամբ տարհանված է:

Արդեն հայտնել էինք, որ 2 քաղացի հոսպիտալացվել է «Հերացի» թիվ 1 համալսարանական հիվանդանոց: