«Դասասենյակների օդափոխության ինտենսիվ ռեժիմը հակահամաճարակային կարևոր գործոն է». Հայկ Մանասյան

Բժիշկ-գաստրոէնտերոլոգ Հայկ Մանասյանը ֆեյսբուքյան իր էջում գրել է. «ԱԳԼՃԿ նախարարին և ԱՉՆ ղեկավարին, իրենց կոնսուլտանտներով հանդերձ, հռետորական էսպիսի հարց եմ ուղղում:

1. Դուք գիտե՞ք, որ դասասենյակների օդափոխության ինտենսիվ ռեժիմը կարևոր հակահամաճարակային գործոն է:

2. Դուք գիտե՞ք, որ լեռնային շրջաններում (Արագածոտն, Լոռի, Շիրակ, Գեղարքունիք, Սյունիք) սեպտեմբերի 15-ից հետո եղանակը կարող է թույլ չտալ բաց պատուհաններով դասեր, իսկ Արարատյան դաշտավայրում մի 2-3 շաբաթ ընդամենը:

3. Դուք գիտե՞ք, որ վարակված երեխաները կարող են վարակել իրենց ընտանիքներին, ովքեր նույնպես, սեպտեմբերի 15-ից հետո ավելի անցանկալի պայմաններում կհայտնվեն քան, եթե վարակվեին օգոստոսի 15-ին:

4. Դուք գիտեք, որ սեպտեմբերի 15-ից հետո սկսում է ամենամյա շնչառական վարակների սեզոնը, ինչը խառնաշփոթ է ստեղծելու վիրուսային վարակի համախտանիշով պացիենտների տարբերակիչ ախտորոշման գործում, ու պակաս հավաստի է դարձնելու քովիդի վիճակագրությունը:

5. Եթե այս ամենը Դուք գիտեք, ինչո՞ւ դասերը հետ գցեցիք 15 օրով, փոխանակ առաջ գցեիք 15 օրով: Ինչո՞ւ չօգտվեցիք բնական հակահամաճարակային բարենպաստ եղանակից»: