«Տեսեք, թե որքան են շատացել գժերը մեր շրջապատում». Վարդան Հարությունյան

Հասարակական գործիչ, իրավապաշտպան, հրապարակախոս Վարդան Հարությունյանը ֆեյսբուքյան իր էջում գրել է. «Սորոսի հիմնադրամի Լարիսա Մինասյանի հետ մենք բարեկամներ չենք։ Թեթև ծանոթներ ենք։ Բայց այս քանի օրը համացանցում նրա հասցեին տարածվող հայհոյանքներն ու զազրախոսությունները չնկատելու տալ չեմ կարող։
Զարմանում եմ, թե մարդը որքա՞ն տկարամիտ պետք է լինի, որպեսզի տրվի «Լարիսան հայ չի» տարածվող սադրանքին, ու այդ «ցնցող լուրից» սարսափած՝ սկսի խելակորույս պաշտպանել վտանգված հայրենիքը Լարիսայից, հրեաներից, մասոններից ու աներևույթ մյուս թշնամիներից։
Ասում են՝ Թորոսյան Արսենին ուզում են գործից հանել։ Չգիտեմ, թե ինչ հիմնավորմամբ ու ինչ պատճառով են հանելու, եթե, իհարկե, հանեն, բայց նրան ազատելու մի հիմնավոր պատճառ ես ունեմ։
Կհիշեք, անցած տարվա աշնանը Երևանում «Հուզանք ու զանգ» վերնագրով բեմադրություն եղավ, որը մեծ աղմուկի պատճառ դրաձավ։ Այն ժամանակ էր արդեն պարզ, որ գժերը մեզանում շատանում են։ Ես Թորոսյանին հրապարակավ առաջարկեցի, որ բժշկական համալսարանում հոգեբուժության ամբիոնին առանձնահատուկ ուշադրություն դարձնի և այդ մասնագիտությանը հատկացվող տեղերի քանակը շեշտակի ավելացվի։ Չլսեց ինձ։ Արդյունքում, տեսեք, թե որքան են շատացել գժերը մեր շրջապատում։ Ու դեռ շատանալու են»։