«Ապագաղութացում, միացման ամբողջացում». Ալեքսանդր Քանանյան

Քարվաճառում բնակվող քաղաքագետ, ծնունդով թիֆլիսեցի Ալեքսանդր Քանանյանը ֆեյսբուքյան իր էջում գրել է. «Սիրելի բարեկամներ։ Երկամսեայ արտացանց հոգեպարար լռութիւնից յետոյ ժամանակն է վերադառնալ։ Շնորհակալութի՛ւն բոլոր նրանց, որոնք անհանգստացած էին՝ անտեղեակ լինելով իմ կամաւոր լռութեան որոշմանը։ Ես լաւ եմ, առողջ եմ, հաստատուն եւ բոլոր գաղափարական եւ սկզբունքային դիրքորոշումներիս մէջ անփոփոխ։

Հայոց ազգային ինքնիշխան միացեալ պետականութիւնը, որը մեր ազգային գոյութեան անփոխարինելի երաշխիքն է, հարկաւ պէտք է թեւակոխի վերընթաց կայացման նոր փուլ։ Այն ներառում է երեք հրամայական․

Ա․ Ապագաղութացում,
Բ․ Միացման ամբողջացում,
Գ․ Ապապետական ու գաղութային քաղաքական ազդեցութեան շրջանակների լիակատար չեզոքացում։

Այս ամէնը պէտք է իրականութիւն դառնայ մաւտակայ երկու֊երեք տարիներին, որպէսզի, ի վերջոյ, կարողանանք ձեռնամուխ լինել բուն եւ ըստ էութեան պետականակերտմանը։ Այսպէս պէտք է լինի եւ այսպէս լինելու է»: