Շաբաթ, 21 նոյեմբերի, 2026 թ.
|
Ստեփանակերտում`   +9 °C

«Չհավատաք, որ մեկը կգա, ձեզ կասի՝ այդ հարցը կլուծեմ». Ալեն Սիմոնյանը՝ ակցիայի մասնակիցներին

«Չհավատաք, որ մեկը կգա, ձեզ կասի՝ այդ հարցը կլուծեմ». Ալեն Սիմոնյանը՝ ակցիայի մասնակիցներին
356
Ուրբաթ, 04 սեպտեմբերի, 2020 թ., 16:05

«Երկու պատգամավոր են այսօր ձեզ հետ խոսել, ի՞նչ են ասել: Իրենք կգան, ձեզ ամեն ինչ կխոստանան, կասեն՝ այդ հարցը կբարձրացնեմ, կասեն, որ իշխանությունները ուզեն՝ խնդիրը կլուծեն...Ես Ձեզ երկու կարևոր բան եմ ասում. չհավատաք, որ մեկը կգա, ձեզ կասի այդ հարցը կլուծեմ, որովհետև այդ հարցը մեր ձեռքում չէ, որ կարողանանք լուծել»,- Ազգային ժողովի դիմաց բողոքի ակցիա իրականացնող քաղաքացիների հետ զրույցում ասել է ԱԺ փոխխոսնակ Ալեն Սիմոնյանը:

«Ենթադրենք՝ մեքենայով անցաք, պետք է թողնեն, որ դուրս գաք, լվացարան գնաք կամ հաց ուտեք: Հոկտեմբերի 31-ին Վրաստանում համապետական ընտրություններ են, և իրենք մինչև դրա ավարտը, սահմանը չեն բացելու: Հիմա ես ձեզ չեմ խաբելու, ասեմ՝ կբացեն: Մենք ամեն օր բանակցում ենք, փորձում ենք չվերթները վերականգնել, ոչ միայն ձեզ համար, այլև այն մարդկանց համար, ովքեր ցանկանում են գալ Հայաստան, առևտուր անեն, որպեսզի տնտեսությունը չտուժի, հիմա ամբողջ հյուրանոցները դատարկ են»,- ասել է նա, հավելելով, որ իրականությունն այն է՝ ռուսներն ու վրացիները չեն թողնում իրենց երկիր մտնել:

Հիշեցնենք, որ այսօր վաղ առավոտից ԱԺ-ի դիմաց բողոքի ակցիա են իրականացնում ՌԴ մեկնել ցանկացող քաղաքացիները: Հուսահատ քաղաքացիները նշում էին, որ իրենք «անդունդի եզրին են» և թող կառավարությունը մի ելք գտնի՝ ճանապարհ բացի, գնան, հասնենք իրենց ընտանիքներին: