«Եթե երեխան առողջ է, ապա դիմակ կրելն անվտանգ է». ԱՀԿ հայաստանյան գրասենյակի ղեկավար

«Յուրաքանչյուր երկիր կորոնավիրուսի դեմ պայքարի իր միջոցն է ընտրել, համեմատելն անշնորհակալ գործ է: Պետք է ոչ թե երկրները համեմատել, այլ՝ մեթոդները, որոնք կիրառվել են: Այն երկրները, որոնք հիմնվել են բազային հիմքի վրա՝ փորձել են հասկանալ, թե որ դեղամիջոցն է արդյունավետ, որը՝ ոչ, լավ արդյունք են գրանցել, այն երկրները, որոնք դա չեն արել, լուրջ խնդրի են բախվել»,- «Հարցազրույց» հաղորդաշարի եթերում ասել է ԱՀԿ հայաստանյան գրասենյակի ղեկավար Եգոր Զայցևը: Անդրադառնալով բանավեճին, ըստ որի՝ դիմակ կրելը վնասակար է դպրոցականների առողջությանը, ասել է. «Դպրոցները բացելու որոշումը ճիշտ է. բազմաթիվ երկրներ այդպես են վարվում: Շատերը կարծում են՝ մանկապարտեզներում ևս պետք են դիմակներ, բայց 5 տարեկանից ցածր երեխաներին դա պետք չէ, իսկ 5-ից 12 տարեկանները կարող են: Իհարկե, յուրաքանչյուր երկիր իր հայեցողությամբ է որոշում դա՝ կախված իրավիճակից... Եթե երեխան առողջ է՝ դիմակ կրելն անվտանգ է»: