«Ազգային ժողովը չի կարող կատարել ՍԴ դատավորի ոչ քաղաքական ընտրություն». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ազգային ժողովը չի կարող ՍԴ դատավորի հարցում կայացնել ոչ քաղաքական ընտրություն: Սա լավ է, վատ է, թե ինչ է, միևնույն է՝ դա է օբյեկտիվ իրողությունը: Ով ինչ թեկնածու ուզում է առաջադրի, Ազգային ժողովը չի կարող կատարել ՍԴ դատավորի ոչ քաղաքական, այլ, այսպես ասած, մասնագիտական կամ արժեքային ընտրություն: Մնացյալը, առնվազն այս պահի դրությամբ, հեքիաթ է: Հետևաբար, պետք է փոխվի ՍԴ, կամ հետո գերագույն դատարանի դատավորների ընտրության մեխանիզմը, եթե մենք ուզում ենք ունենալ ոչ քաղաքական կամ գոնե բալանսավորված, հավասարակշռված կազմով բարձր դատարան»: