Կիրակի, 27 սեպտեմբերի, 2020 թ.
|
Ստեփանակերտում`   +16 °C

Ցեղասպանության ուղղակի և հրապարակային հրահրումը կքրեականացվի

Ցեղասպանության ուղղակի և հրապարակային հրահրումը կքրեականացվի
43
Հինգշաբթի, 17 սեպտեմբերի, 2020 թ., 12:25

Ազգային ժողովն այսօր երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավորների ներկայացրած օրինագիծը, որով առաջարկվում է քրեականացնել ցեղասպանության ուղղակի և հրապարակային հրահրումը:

Նախագծին կողմ քվեարկեց 121 պատգամավոր: Նախագծով սահմանվում է, որ ցեղասպանության ուղղակի և հրապարակային հրահրումը պատժվում է ազատազրկմամբ՝ ութից տասը տարի ժամկետով:

Նույն արարքը, որը կատարվել է ԶԼՄ-ներով կամ համակարգչային համակարգի միջոցով՝ մի խումբ անձանց կողմից նախնական համաձայնությամբ, պատժվում է ազատազրկմամբ՝ տասից տասնչորս տարի ժամկետով:

Նույն արարքը, որը կատարվել է կազմակերպված խմբի կողմից՝ պաշտոնեական դիրքն օգտագործելով, պատժվում է ազատազրկմամբ տասնչորսից քսան տարի ժամկետով կամ ցմահ ազատազրկմամբ: