«Նման ելույթ կարող է ունենալ մեր հարևան Վարդուշ տոտան, ներքևի գարաժի Վարազդատ ձյաձյան». Արա Պապյան

«Մոդուս Վիվենդի» հետազոտական կենտրոնի ղեկավար, դիվանագետ Արա Պապյանը ֆեյսբուքյան իր էջում գրել է. «Աղջիկ-տղա երեկոյան քայլում են փողոցով: Տղան աղջկան ասում է.

- Ես քեզ նվիրում եմ լուսինն ու աստղերը:

Աղջիկը հարցնում է.

- Հեչ փող չունե՞ս մտնեք մի-մի բաժակ կոֆե խմենք:

Հիմա Նիկոլինն է՝ խոսում է լուսնից ու աստղերից, երբ ամենատարրական հարցերը չի կարողանում լուծել: Նման ելույթ կարող եմ ունենալ ես, մեր հարևան Վարդուշ տոտան, ներքևի գարաժի Վարազդատ ձյաձյան, բայց վարչապետը պիտի զբաղվի այն գործով, ինչի համար վճարվում է հարկատուի փողերից՝ պիտի իրատեսական ծրագրեր դնի ու իրականացնի իր պաշտոնավարման ընթացքում»: