«Ամենաարդյունավետ պատասխանը միջազգային հանրության կողմից Արցախի Հանրապետության ճանաչումն է». ԱՀ ԱԳՆ ներկայացուցիչ

«Հայաստանի դեմ Ադրբեջանի հերթական ագրեսիան ոչ մի կասկած չի թողնում, որ հակամարտությունը ուժի միջոցով լուծելու Ադրբեջանի փորձերի նկատմամբ ամենաարդյունավետ պատասխանը միջազգային հանրության կողմից Արցախի հանրապետության ճանաչումն է»,- քիչ առաջ մամուլի ասուլիսում հայտարարեց Արցախի ԱԳՆ ներկայացուցիչ Արտակ Ներսիսյանը:

«Համոզված ենք, որ իրավիճակի լարվածության նվազեցմանը և հակամարտության վերականգնման համար պետք է անհրաժեշտ քայլեր ձեռնարկվեն. մասնավորապես, Ադրբեջանը պետք է բերվի կառուցողական դաշտ, պետք է պրակտիկ քայլեր ձեռնարկվեն՝ կանխելու Ադրբեջանի ագրեսիան և զսպելու հետագա ռազմատենչ նկրտումները»,- ասաց նա:

«Ադրբեջանի որևէ սադրանք մեզ հետ չի պահելու մեր նպատակից: Մենք հստակ ունենք մեր նպատակը՝ դա Արցախի ժողովրդի ինքնորոշման ճանաչման սկզբունքն է: Դա ճանապարհն է, որ մենք անցել ենք: Արցախի Պաշտպանության բանակը պատրաստ է իրականացնելու համարժեք բոլոր գործողությունները»,- հայտարարեց Արցախի նախագահի խոսնակ Վահրամ Պողոսյանը: