«Խաղաղ բանակցությունների մասին խոսելը սոսկ ձև է». Ն. Դիլբարյան

«Ժառանգություն» կուսակցության նախագահ Նարինե Դիլբարյանը ֆեյսբուքյան իր էջում գրել է. «Քանի իսլամական պետության գրոհային ահաբեկիչ վարձկանները Արցախյան հակամարտության գոտում են և Հայաստանի սահմանների մոտ, խաղաղ բանակցությունների մասին խոսելը սոսկ ձև է, լիովին բովանդակազուրկ։ Ահաբեկիչներին, որոնց նպատակը Հայաստանը, ապա ողջ տարածաշրջանն ապակայունացնելն է, պետք է դուրս բերեն այստեղից։ Իսկ Թուրքիայի արտգործնախարարը թող իր նախագահի հետ ճշտի ռազմական գործողություններին իրենց մասնակցության ողջ ծրագիրը, ահաբեկիչներին հավաքագրող ընկերություններով նրանց տարհանի, ինչպես բերել են, նոր քաղաքական և բարոյական իրավունք կունենա խոսել խաղաղ բանակցությունների մասին»: