«Հիմա նա գործելու է «ամեն ինչ, կամ ոչինչ» տրամաբանությամբ». Գոռ Աբրահամյան

ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում գրել է. «Վճռորոշ օրեր են...

Ալիևը հստակ հասկանում է՝ ինչ է իրեն սպասվում բացարձակ դիվանագիտական իզոլացման, Թուրքիայի՝ ըստ էության, դավաճանական պահվածքի և ամենակարևորը՝ հսկայական մարդկային կորուստներ տալու պարագայում ճակատում որևէ հաջողություն չունենալով պայմանավորված՝ ադրբեջանական հասարակությունում անկասելիորեն աճող հանրային դժգոհության պատճառով:

Հիմա նա գործելու է «ամեն ինչ, կամ ոչինչ» տրամաբանությամբ՝ մինչև կրակը դադարեցնելու՝ իրեն ուղղված արդեն գործնական քայլերի կիրառումը գոնե սիմվոլիկ հաջողություն գրանցելու և դեմքը փրկելու համար:

Անհրաժեշտ է դիմանալ մի քիչ էլ, բայց դիմանալ դանդաղորեն, համառորեն նոր դիրքեր ապահովելով, նոր բնագծեր քաշելով:

Եվ անկասկած է, որ հաղթելու ենք:

Երիցս փառք ձեզ, հաղթանակ ու նորագույն պատմություն կերտող տղերք, կենդանի լեգենդներ, փառք ձեզ, նահատակված հերոս ախպերներ»: