«Ալիևը իրեն նման շռայլություն թույլ տալ չի կարող, խաբելու ու ստելու է մինչև վերջ». Լևոն Բարսեղյան

«Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Ասում են, թե սա արաբական ասացվածք է. ասող չանողն էշ է, ասող անողը՝ մարդ, չասող անողը՝ առյուծ:
Մերոնց ռազմավարությունը շատ է հիշեցնում երկրորդին: Ռազմական գործի մեջ ամեն ինչ կարելի է անշուշտ, մարտավարական, նույնիսկ ռազմավարական նշանակության ապատեղեկատվություն, գաղտնապահություն, դիտավորյալ արտահոսք և այլն: Ես ոնց նայում եմ, մերոնք աշխատում են պարզ խոսքի և ազնիվ վարքի մարտավարությամբ: Սիմոն Բոլիվարը մի անգամ ասել է «լավագույն դիվանագիտությունը ճշմարտությունն է»: Մերոնք էլ, օյին-զոյին չեն գալիս, պարզ ասում են ինչ կա ու անում են: Խոսքն, իհարկե, անխուսափելի գաղտնիքների մասին չէ, որոնք չպիտի ասվեն: Արդի աշխարհում ու ժողովրդավար պետության վարած պատերազմի օրերին երևի ճիշտն այս անհրաժեշտ ու բավարար բացությունն է և ներսի և դրսի համար: Բնականաբար, Ալիևը իրեն նման շռայլություն թույլ տալ չի կարող, խաբելու ու ստելու է մինչև վերջ»: