«Ադրբեջանի գերագույն գլխավոր հրամանատարն ինֆորմացիոն բլոկադայի մեջ է». Արծրուն Հովհաննիսյան

Երեկ և այսօր մարտական գործողություններն աչքի ընկան ակտիվ և լայնածավալ ապատեղեկատությամբ, որը տարածում են Ադրբեջանի նախագահը, նրա ընտանիքի անդամները, ճեպազրույցի ժամանակ ասաց Արծրուն Հովհաննիսյանը: «Մենք տեսանք, թե ինչպես երեկ իրենք իրենց շնորհավորում էին Մատաղիսի և հարակից գյուղերի գրավման կապակցությամբ, իսկ այսօր մենք հրապարակեցինք՝ ինչպես են ադրբեջանցիները փախչում Մատաղիսի մատույցներից: Այսօր էլ նույնը կատարվեց Մուշեղաշենի (Ջաբրայիլի) «գրավման» հետ: Եթե Ալիևը գրավել է, ինչո՞ւ չի գալիս Մատաղիս: Մենք վստահ ենք՝ Ադրբեջանի գերագույն գլխավոր հրամանատարն ինֆորմացիոն բլոկադայի մեջ է, նրան զեկուցում են կեղծ ինֆորմացիա և նա ոգևորվում է կեղծ տեղեկատվությունից՝ սեփական բանակի պարտությունը ներկայացնելով որպես հաղթանակ»,- ասաց նա: