«Մենք տեսանք, թե Ալիևն ինչ կարգի թքած ունի իր քաղաքացիների վրա». Արծրուն Հովհաննիսյան

ՊՆ ներկայացուցիչ Արծրուն Հովհաննիսյանը ճեպազրույցի ընթացքում անդրադարձել է պատմական Գանձակ քաղաքի օդանավակայանի հրթիռակոծմանը՝ Ալիևին մեղադրելով սեփական ժողովրդի ճակատագրի վրա «թքած ունենալու համար»: «Այսօր պատմական Գանձակ քաղաքի օդանավակայանին հասցրած հարվածից հետո մենք տեսանք, թե Ալիևն ինչ կարգի թքած ունի իր քաղաքացիների վրա: 1 շաբաթ է՝ ծանր մարտեր են գնում, իսկ նա ոչ մի քայլ չի կատարել խոշոր քաղաքի բնակիչների պաշտպանության ուղղությամբ:
Այսօր հետ են շպրտվել, որովհետև թուրքական միջամտությունը չեզոքացվել էր: Կորուստներն այնպիսին էին, որ թուրքական օդուժը, մասնավորապես՝ ԱԹՍ-երը, նրանք չեն կարողացել կիրառել»,- տեղեկացրեց նա:

Նա ևս մեկ անգամ շեշտեց, որ ադրբեջանական զորքերի կառավարումը հանձնված է Թուրքիային: