«Հայաստանը պետք է վերջնական նախազգուշացում տա թե՛ ադրբեջանական, և թե՛ վրաց իշխանություններին». Հայկ Գրիգորյան

«Ազգային առաջընթաց» կուսակցության լրատվության ղեկավար Հայկ Գրիգորյանը ֆեյսբուքյան իր էջում գրել է. «Եթե հաստատվում է, որ Վրաստանի տարածքը շարունակվում է օգտագործվել Ադրբեջանին զենք կամ զինյալներ հասցնելու համար, ապա, կարծում եմ, Հայաստանը պետք է վերջնական նախազգուշացում տա թե՛ ադրբեջանական, և թե՛ վրաց իշխանություններին, որ բոլոր ինքնաթիռները կգետնվեն՝ Վրաստանի սահմանից Ադրբեջանի սահման մտնելու պահին։ Վստահ եմ՝ նման տեխնիկական հնարավորություն ունենք։

Այլապես զենքն անվերջ գալու է դեռ մի քանի շաբաթ. Իսրայելը լավ հարմար գնորդ է գտել ու մի քանի միլիարդ աշխատել մի շաբաթում, նույնն էլ՝ Թուրքիան ու Վրաստանը։ Թող այդ թանկարժեք ապրանքը հենց օդում ոչնչացվի, դա միայն Ադրբեջանին է վնաս լինելու, ապրանքի համար, միևնույնն է, արդեն վճարած կլինի»։