Ծառուկյանի պաշտպանները դուրս եկան դատական նիստերի դահլիճից

Ինչպես արդեն հայտնել էինք, Գագիկ Ծառուկյանի նկատմամբ որպես խափանման միջոց կալանավորումը կիրառելու մասին Երևան քաղաքի ընդհանուր իրավասության առաջին ատյանի դատարանի՝ 25․09․2020թ-ի որոշման դեմ Գագիկ Ծառուկյանի պաշտպանական խմբի կողմից սահմանված ժամկետում ներկայացվել էր վերաքննիչ բողոք։ Քիչ առաջ ավարտվեց վերաքննիչ բողոքի քննությունը: «Դատարանը գնաց խորհրդակցական սենյակ՝ հոկտեմբերի 7-ին՝ ժամը 12-ին որոշումը հրապարակելու համար»,- այս մասին լրագրողների հետ զրույցում հայտարարեց Գագիկ Ծառուկյանի պաշտպան Երեմ Սարգսյանը։