«Ունենք քաղաքացիական 25 զոհ, 5-ը՝ հրադադարի ռեժիմ հայտարարելուց հետո». Արտակ Բեգլարյան

Ադրբեջանի կողմից քաղաքացիական բնակչության թիրախավորման հետևանքով ունենք 25 զոհ, որոնցից 5-ը՝ երեկ, հոկտեմբերի 10-ին: Կա առնվազն 102 վիրավոր: «Այս զոհերը և վիրավորներն արձանագրվել են բոլոր ուղղություններով՝ հյուսիսից հարավ, բոլոր խոշոր բնակավայրերում՝ Մարտունի, Մարտակերտ, Հադրութ, Ստեփանակերտ և այլն: Վիրավորների աշխարհագրությունն ավելի լայն է, ընդհուպ՝ մինչև Քաշաթաղի հատված: Զոհերի կեսից ավելին 50-ից բարձր տարիքի են: 25-ից 9-ը կին է, 1-ը երեխա է: Վիրավորների շրջանում կան բազմաթիվ կանայք, տարեցներ և այլն»,- այս մասին տեղեկացնում է Արցախի ՄԻՊ Արտակ Բեգլարյանը: