«Քանի դեռ հրադադար չկա, բանակցությունները չեն կարող արդյունավետ ստացվել»․ Էդմոն Մարուքյան

«Որքանով որ հասկանում ենք, Ժնևի հանդիպումը հրադադարի հանդիպում չէ, այլ բանակցությունների ինչ-որ սկիզբ է կամ փորձ։ Սակայն պետք է ասեմ, որ խորհրդարանական ուժերը տեղեկացված չեն՝ ինչ է քննարկվելու։ Եթե երեկ հարցուպատասխան լիներ, միգուցե իմանայինք։ Մեծ հաշվով որևէ ակնկալիք չունեմ։ Քանի դեռ հրադադար չկա, բանակցությունները չեն կարող արդյունավետ ստացվել»,- այսօր խորհրդարանական ճեպազրույցի ժամանակ անդրադառնալով Հայաստանի և Ադրբեջանի արտգործնախարարների Ժնևում սպասվելիք հանդիպմանը, ասաց ԼՀԿ խմբակցության ղեկավար Էդմոն Մարուքյանը։