«Համալիրի տարածքում բուժառուին հոսպիտալացնելը համարժեք է տանը թողնելուն»․ Արսեն Թորոսյան

Ամիսներ առաջ Կարեն Դեմիրճյանի անվան մարզահամերգային համալիրում տեղադրվեցին մահճակալներ, որտեղ կորոնավիուսի վատագույն սցենարի դեպքում հնարավոր էր այն օգտագործվեր որպես հիվանդների մեկուսավայր։

Այսօր ճեպազրույցում Արսեն Թորոսյանն ասաց, որ համալիրի տարածքն օգտագործելու համար նպատակահարմար չէ, որովհետև նախարարի խոսքով՝ բուժանձնակազմի, թթվածնի և ինֆրաստրուկտուրայի առկայությունը շատ ավելի կարևոր է։

«Համլիրի տարածքում բուժառուին հոսպիտալացնելը համարժեք է տանը թողնելուն»,- հայտարարեց Թորոսյանը։ Հարցին, թե այդ դեպքում ինչո՞ւ մահճակալներ տեղադրվեցին, նախարարը պատասխանեց․

«Երբ որ հիվանդությունը նոր էր, և դրա վերաբերյալ ամեն ինչ հայտնի չէր, մենք հնարավոր բոլոր սցենարները հաշվի էինք առել, բայց հետո մեր և համաշխարհային փորձը ցույց տվեց, որ դրանք գործունակ չեն, այսինքն՝ ոչ հիվանդանոցային պայմաններում բուժման մեթոդներն արդյունավետ չեն»։