«Մենք համաձայնագիրը չենք ստորագրել, քանի որ շատ հարցեր ունենք». ՀՀ-ում Ֆրանսիայի դեսպանը՝ հադրութցիներին

Այսօր ՀՀ-ում ֆրանսիայի դեսպանատան մոտ ակցիա իրականացնող հադրութցիները հանդիպեցին Ֆրանսիայի դեսպան Ժոնաթան Լաքոթի հետ։ Ակցիայի մասնակիցները, դիմելով դեսպանին, ասացին, որ Հադրութը չի կարող լինել Ադրբեջանի կազմում։ Նրանք շեշտեցին, որ Ֆրանսիան վկայել է տեռորիստների առկայությունն այդ տարածաշրջանում, և Հադրութը չի կարելի թողնել բարբարոսների տիրապետության ներքո։

«Մենք ակնկալում ենք ձեր աջակցությունը»,- դիմելով դեսպանին՝ ասացին հադրութցիները։

Ժոնաթան Լաքոթն ընդունեց հադրութցիների նամակը և ասաց, որ Ֆրանսիայի դեսպանատան դռները միշտ բաց են նրանց համար։

Իր խոսքում դեսպանը նշեց, որ Հադրութն ամենատուժած տարածքներից է, և դրա մասին իրենք տեղյակ են։

«Գիտենք նաև, որ Հայաստանում իրավիճակը շատ բարդ է և համաձայնագրի հետ կապված շատ հարցեր կան։ Մենք նույնպես շատ հարցեր ունենք և դեռ չենք ստորագրել այն»,- ասաց դեսպանը։