«Ազգը և զինվորը պատրաստ էին դիմադրելու, բայց կառավարման համակարգը գործեց հակառակ ուղղությամբ»․ Արա Պապյան

«Այս պատերազմը հերոսկանաության և դավաճանության միախառնում էր»,- այսօր՝ հանրահավաքի ժամանակ հայտարարեց դիվանագետ, «Սասնա ծռեր» կուսակցության անդամ Արա Պապյանը։

«Մարտնչող ժողովրդին և զինվորին հակառակ՝ ձախողված մոբիլիզացիա, անպատրաստ կամավորներին ռազմաճակատում բախտի քմահաճույքին թողնելու անթիվ դեպքեր, կառավարման քաոս, կասկածելի նահանջներ և թշնամու կողմից անհավանական ճեղքումներ, քաղաքական ղեկավարների կողմից մոլորեցնող և հակասական տրամադրությունների, լուրերի և խուճապի տարածում»,- ասաց նա:

Պապյանը հայտնեց, որ առանձին պետք է հետաքննվի «պետական մարմինների անգործությունը»՝ պատերազմի ժամանակակից միջոցների, ինչպես նաև դրանցից պաշտպանվելու միջոցների ձեռքբերման և արտադրության ուղղությամբ. «Ազգը և զինվորը պատրաստ էին դիմադրելու, բայց կառավարման համակարգը գործեց հակառակ ուղղությամբ»,- ասաց Արա Պապյանը։