«Նիկոլ Փաշինյանն ինքը պետք է նախաձեռնի իր հրաժարականի գործընթացը». Ժիրայր Սեֆիլյան

«Կարծում եմ՝ շուտով Նիկոլ Փաշինյանն ինքն է պահանջելու իր հրաժարականը»,- հանրահավաքի ժամանակ՝ լրագրողների հետ զրույցում ասաց «Սասնա ծռեր» կուսակցության անդամ Ժիրայր Սեֆիլյանը:

Նա հայտնեց, որ թեպետ այժմ Հայաստանի ներքաղաքական իրավիճակը հանգիստ չէ, բայց, այնուամենայնիվ, նրա խոսքով, պիտի բոլոր տարաձայնությունները մի կողմ դնել և «օր առաջ զբաղվել ադեկվատ քաղաքական գլուխ ձևավորելու գործով»:

Նրա խոսքով՝ ժողովուրդը չի ներելու տեղի ունեցածը. «Շատ ճիշտ կլիներ, որ հենց Նիկոլ Փաշինյանը նախաձեռներ իր հրաժարականի գործընթացը»,- հայտարարեց Սեֆիլյանը: