Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Մնացեʹք ԱԺ-ում և առաջիկա օրերին արե՛ք պետությունը փրկող ձեր քայլը». Նաիրի Հոխիկյան

«Մնացեʹք ԱԺ-ում և առաջիկա օրերին արե՛ք պետությունը փրկող ձեր քայլը». Նաիրի Հոխիկյան
336
Երկուշաբթի, 16 նոյեմբերի, 2020 թ., 03:35

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «ԱԺ պատգամավորների ճանապարհը․․․

Հայաստանի խորհրդարանում պատգամավորական մանդատից այս օրերին հրաժարվում են մարդիկ, որոնք 2018-ից այս կողմ «սպիտակ ագռավ» են եղել իրենց մտածողությամբ և պետական կառավարման արժեքային համակարգով։

Իշխող խմբակցությունից շատերին եմ ճանաչում։ Ոմանց նկատմամբ ունեմ ընդգծված լավ վերաբերմունք, ոմանց հետ վերջին ծանր օրերին բազմաթիվ քննարկումներ եմ ունեցել և տեսել, որ նրանք էլ մտահոգված են ու ճանապարհներ են փնտրում փրկության համար, թեպետ միանձնյա որոշումներ կայացնելիս նրանք էլ են եղել անտեսված։

Եթե ես լինեի հրաժարականի դիմում ներկայացնող պատգամավորների փոխարեն, կմնայի ԱԺ-ում։ Եթե գնաք, միևնույն է, ձեր փոխարեն կգան ուրիշները, որոնք հնազանդ կսեղմեն կոճակները։ Մնացեք ԱԺ-ում և առաջիկա օրերին արե՛ք պետությունը փրկող ձեր քայլը՝ արդեն անկախ ու ավելի շատ հանուն հայկական պետականության»։