«Դիմում ենք ՀՀ նախագահին՝ հադրութցիների անհանգստությունները հայտնող նամակի տեսքով». ակցիայի մասնակից

Ինչպես արդեն հայտնել էինք հադրութցիներն այսօր բողոքի ակցիա են իրականացնում նախագահական նստավայրի մոտ:

«Մենք շարունակում ենք ակցիաների շարքը՝ մտահոգություն հայտնելով ստորագրված փաստաթղթի շուրջ։ Որոշել ենք դիմել նախագահին՝ տեղահանված հադրութցիների անհանգստությունները հայտնող նամակի տեսքով, որը չորս կետ է ներառում՝ քննության առնել Հադրութի դեօկուպացիայի խնդիրը, անպայման ջանքեր գործադրել, որ խնդրի լուծումը վերադառնա ԵԱՀԿ Մինսկի խմբի բանակցային օրակարգ, սկսել իրավական գործընթաց տեղահանվածների խախտված իրավունքները վերականգնելու նաև որոշակի փոխհատուցում տալու համար և մինչ այդ ձեռնարկել ջանքեր՝ Հադրութի պատմամշակությանի արժեք ներկայացնող հուշարձանները պահպանելու վերաբերյալ»,- լրագրողների հետ զրույցում ասաց ակցիան նախաձեռնող անձանցից մեկը։