«Պարո՛ն վարչապետ, խորհուրդ եմ տալիս փոխել հռետորաբանությունը»․ Սոֆյա Հովսեփյան

Այսօր Աժ արտահերթ նիստի ժամանակ իմքայլական պատգամավոր Սոֆյա Հովսեփյանը, դիմելով ՀՀ վարչապետ Նիկոլ Փաշինյանին, խորհուրդ տվեց փոխել ժողովրդի հետ հաղորդակցման հռետորաբանությունը։
«Պարո՛ն վարչապետ, սա ուղղակի ձեզ ուղղված կոչ և խնդրանք է։ Չօգտագործել այն հռետորաբանությունը, որը կարող է ապակառուցողական քայլերի և գործողությունների տանել», - ասաց պատգամավորը, այնուհետև հարց հնչեցրեց, թե ե՞րբ և ի՞նչ ժամկետներում պետք է ազատվեն վարչապետի նշած «հայրենասիրության ինստիտուտը չկառուցող», ոչ մի քայլեր չանող տարբեր ոլորտների մասնագետներից, նախարարներից և փոխնախարարներից։
«Ե՞րբ պետք է գնանք գործուն քայլերի, որպեսզի այն տեսիլքը, որի մասին խոսում եք, ժողովուրդն ու ԱԺ պատգամավորներս էլ տեսնենք։ Ես դեռ չեմ տեսնում, մինչդեռ ամսի 9-ից պիտի տեսնեինք գործուն քայլեր»,- հետաքրքրվեց Հովսեփյանը, ինչին ի պատասխան վարչապետը ասաց, որ հետևություններ կարվեն։