«Ասում եք՝ ընդդիմությունը պետք է ամաչի ԱԺ դահլիճի կոտրած բռնակների համար․ իսկ դուք ամաչո՞ւմ եք Արցախը հանձնելու համար»․ Տոնոյանը՝ Դավոյանին

Այսօր՝ ԱԺ նիստի ժամանակ, ԲՀԿ-ական պատգամավոր Իվետա Տոնոյանը հայտարարեց, որ «Իմ քայլը» խմբացության պատգամավորներն ԱԺ-ում զբաղված են ամեն ինչով, բացի, իր խոսքերով, «խայտառակ փաստաթղթի» քննարկման հնարավորություն ընձեռելուց։

«Տիկի՛ն Դավոյան, դուք ասում եք, որ ընդդիմությունը պետք է ամաչի ԱԺ դահլիճի կոտրած բռնակների համար․․․ Իսկապե՞ս, իսկ դուք ամաչո՞ւմ եք Արցախը հանձնելու համար, հարյուր հազարավոր արցախցի ընտանիքներին անտուն թողնելու, մեր հազարավոր ընտանիքների տան ճրագը մարելու համար»,- դիմելով իմքայլական պատգամավոր Արփի Դավոյանին՝ ասաց Իվետա Տոնոյանը։