«Փաշինյանը մեր հանդիպմանն ասաց՝ հետախուզություն չունենք». Նարինե Դիլբարյան

«Նիկոլ Փաշինյանի հետ առաջին հանդիպումից հետո խորը ընկճախտի մեջ էի»,- «Ֆակտոր»-ի եթերում ասել է «Ժառանգություն» կուսակցության նախագահ Նարինե Դիլբարյանը:

Նա, բացելով փակագծերը, որոշ մանարամասներ է հայտնել հանդիպումից. «Նիկոլ Փաշինյանն իմ հարցին ի պատասխան ասաց՝ մենք հետախուզություն չունենք: Հետո էլ ասաց՝ մենք վարչություններ ունենք և այլն, բայց նրանք մամուլից են տեղեկություններ տալիս, և ինքն այդ ամբողջ ընթացքում միայն մեկ անգամ է իրենց հաղորդագրություններից օգուտ ստացել»,- ասաց Դիլբարյանը:

Հարցին, թե դրա հետևանքը ո՞րն է եղել, նա պատասխանեց. «Դրա հետևանքն էլ հենց այն է եղել, որ մենք չենք հասկացել, որ մեզ վրա հարձակվելու են, ընդ որում՝ հարձակվելու են 21-րդ դարի, 5-րդ սերնդի պատերազմի սկզբունքներով»:

Մանրամասները՝ տեսանյութում: