Կարմիր Խաչը 4 անգամ կմեծացնի իր ներկայությունը Լեռնային Ղարաբաղում

1611

Երեքշաբթի, 24 նոյեմբերի, 2020 թ., 10:45

Կարմիր խաչի միջազգային կոմիտեի (ԿԽՄԿ) նախագահ Փիթեր Մաուրերը հայտարարել է Լեռնային Ղարաբաղում ԿԽՄԿ կազմի ավելացման մասին: Այս մասին նա հայտնել է РБК-ին տված հարցազրույցում։ «Մենք հասկացանք, որ հակամարտության բռնկումից հետո պետք է ավելին անենք։ Եթե մինչև պատերազմը տարածաշրջանում մեր բյուջեն 10 մլն ֆրանկ էր (10,96 մլն դոլար), ապա հաջորդ տարի այն կկազմի 45 մլն ֆրանկ (49,31 մլն դոլար), այսինքն՝ մենք 4 անգամ կավելացնենք մեր ներկայությունը։ Այժմ նախատեսում ենք լրացուցիչ 400-500 մարդ ուղարկել տարածաշրջան»,- պարբերականին հայտնել է Մաուրերը։

ԿԽՄԿ նախագահը հավելել է, որ Կարմիր Խաչը գրասենյակներ ունի Երևանում, Բաքվում, նաև կոմիտեի ներկայացուցիչները վերադառնում են Ստեփանակերտ, նախատեսվում է բացել ևս 1-2 գրասենյակ: